1Th 5 | HUI | STEP | Hamene mbaliniru-o ani bulebira lalu bi ogoni langirimago horo ogoangi ibulebira lalubi mbirale mbira ogo ale bialu kamaria ibulebira lalubi iname tíhondo lone langulene nawi.

a 5.1Md 24.36

b 5.2Md 24.42-44, Lg 12.39, 2 Pi 3.10, Mo 3.3

c 5.3Ese 13.10, Hos 13.13, Md 24.39, Lg 21.34-35, Yo 16.21-22

d 5.4Lm 13.12-13, 1 Yo 2.8

e 5.5Lm 13.12, Eb 5.8-9

f 5.6Md 24.42, 25.5, 25.13, 1 Pi 5.8

g 5.7Lg 21.34-36, Lm 13.13, Eb 5.14

h 5.8Ais 59.17, Eb 6.13-17

i 5.9Lm 9.22, 1 Te 1.10, 2 Te 2.13-14, 1 Pi 2.8

j 5.10Lm 14.8-9, 2 Ko 5.15, 1 Te 4.14

k 5.11Yu 20

l 5.121 Ko 16.18, Pb 2.29, 1 Ti 5.17, Hi 13.7, 13.17

m 5.14Ga 5.22, 6.1-2, Kl 3.12, 2 Te 3.6, 3.11, 3.15, Hi 12.12

n 5.15Min 20.22, Md 5.39, Lm 12.17, 1 Ko 6.7, 1 Pi 3.9

o 5.162 Ko 6.10, Pb 4.4

p 5.17Lg 18.1, Eb 6.18, Kl 4.2, 1 Pi 4.7

q 5.18Eb 5.20, Kl 3.17

r 5.19Eb 4.30, 1 Ti 4.14, 2 Ti 1.6

s 5.201 Ko 14.1, 14.39

t 5.211 Ko 2.11, 2.15, Pb 4.8, 1 Yo 4.1

u 5.22Yob 1.1, 1.8, 2.3

v 5.23Lm 15.33, 1 Ko 1.8, Pb 4.9, 1 Te 3.13, 2 Te 3.16

w 5.241 Ko 1.9, 10.13, 2 Te 3.3

x 5.25Kl 4.3, 2 Te 3.1

y 5.26Lm 16.16

1 Thessalonians 5

Anduane Homogo dai bilonaga manda manda bu holene ngago ogo

1 Hamene mbaliniru-o ani bulebira lalu bi ogoni langirimago horo ogoangi ibulebira lalubi mbirale mbira ogo ale bialu kamaria ibulebira lalubi iname tíhondo lone langulene nawi. ^a 2 Irane ina mitangi nabi kamaria pageali mbiraga ibagadagua Anduane Homogonaga Horo ogonibi ibulebirago manda buwaore kamigoni. ^b 3 Wali agalime lalu, Ina bayale wai nabi karulape hangu kama, lalu kaore mo ko holene abaleore ibira holebira. Waneigini ai̱ya gali taba honolene tu kaware haragola tandaga abale hagadagua ogonibi ibulebira. Ani biragola wali agalime yo polene henge nawulebira. ^c 4 Hamene mbaliniru-o tí arumaha ndo kamigo pageali ibiragola mogo laramilidagua Horo ogoni ibiragola tí mogo lolene nawulebira. ^d 5 Tí bibahende kamiru wá holenenaga kamigo tí horombenaga kami. Ina mbiraganagabi arumanagabi ndo kamagoni. ^e 6 Anigo wali agali maru ti palia hondo kadagua nahe ina dengala howabi mini haru howabi holene nga. ^f 7 Mbiraga haragola wali agalime palia hondo hagabi lulu iba nalu lulu yu hagabi ka. ^g 8 Ani biagadagua ndo ina horombenaga kamagome ina mini haru howa holene nga. Ani bialu wai biagame mbiralegaluhombeneni karulagadagua iname mini mbiraore wulenebi gubalini holenebi karulo holene nga. Ani karulalu wai biaga manda karulagadagua ina pele mulene ngiragonaga mini dunu bia holene karulo holene nga. ^h 9 Ngode Datagaliwabehanda ibunaga lembo holene ngagonaga tandaga iname noloma̱ya ina dabo helene ndo. Anduane Homogo Yasu Kerisoha howa pele mulene yu holoma̱ya ibugua ina dabo helene kama. ⁱ 10 Anduane Homogo Yasu Keriso ibu dai birangi ina dindini haabo kamaria ibiyaguabi homedamagola ibiyaguabi ta nabi ibu heba mandagi haabo holoma̱ya ibugua inanaga homa hene. ^j 11 Ani bidago tígua tíni miniha mo hongo hagahaga bialubi biamogo bigibigi bialubi áyu bialu kamigonidagua biaabo halu halimu. ^k

Bulene ngago lalubi tí mitangibu ko lalubi Polohanda bi lamaro binigo ogo

12 Ina hamene mbaliniru-o tí heba biabe mandagi bialu karu tigua tí Kerisoha kamiru haru howa hariga walia halubi lawai halubi kago manda bialu tihondo bayale hangu bialu halimulo hame ledama. ^l 13 Tigua biabe bialu kago galoneore mitangi bialu tihondo gubalini howa bayaleore bialu tíni mo palia hagahaga bialu halimu.

14 Ina hamene mbaliniru-o tígua bulene ngago ogo. Biabe bibe manga haga karuhondo bi hongo howa lamilimu. Gi haga karu tinaga miniha hongo helo mo hongo halimu. Mini gedaorewi karu biamogo bilimu. Bibahendehondo abale keba nahe bi tendore lalu ema nabi hondo halimu. ^m 15 Ani buwa mbiralime ko biragola ko dege bia dai bulamini de hondo halu tíni degedege bayale bigibigi biaabo holebi wali agali bibahende karuhondo bayale dege biaabo holebi harimadalo manda buwaore halimu. ⁿ

16 Miniha turu haabo howa halimu. ^o 17 Bibahende ta nabi ngarunaga Ngode Datagaliwabehondo bi laabo halu halimu. ^p 18 Tí kamigoha bayale holene íbu ngayaguabi ko holene íbu ngayaguabi ta nabi bibahendengi Ngode Datagaliwabehondo ka̱i̱ lalu halimu. Tí Keriso Yasuha ho gimbu bu howa ani lalu halimulo Ngode Datagaliwabehanda hamelo ka. ^q

19 Ngode Datagaliwabe Dinini ibugua tíha howa hungu bialu kago mo hundia nahalimu. ^r 20 Mbiralime bi mana lamulene Ngode Datagaliwabehanda miyago langiragola hale habe manga nahalimu. ^s 21 Bi larago bibahende tigatiga larabe yole larabe bayuwa dabalu bayalego dege mo yai halimu. ^t 22 Ko bulene tara tara bibahende ngaru tí kamigoha íbu ngagola tíni para holani hondowa halimu. ^u

23 Mo palia holene ngiaga Ngode Datagaliwabe ibugua tí ibunaga hai halimulo mo tiga bia helo laro. Ina Anduane Homogo Yasu Keriso dai bilonaga howa tínaga dininibi minibi tinginibi ko tara tara ngarume para nahe halimulo Ngode Datagaliwabe ibugua tí haru hai helo laro. ^v 24 Tí olo helayago ibu mini bilinahe kago ibunime ani bulebiraore. ^w

25 Hamene mbaliniru-o tígua Ngode Datagaliwabehondo bi lalu howa inanagabi la halimu. ^x

26 Keriso hameigini bibahende kamiru gi tigani bigibigi bilimu. ^y

27 Ina Anduane Homogonaga minini howa tíhondo bi hongo howa lalu beba ogoni Keriso hameigini bibahende karu hale hai helo daga lope halimu laro.

28 Anduane Homogo Yasu Kerisonaga biamogo bia holene tíha wiaabo helo hamelo kogoni.